Popular Bible Verses from DAGITI ARAMID 5

Share

Ngem ni Pedro ken dagidi apostol, simmungbatda ket kinunada: Masapul nga agtuloccami a nangnangrona iti Dios ngem cadagiti tao.

Ket inaldawaldaw iti templo ken cadagiti balbalay, dida namingga a manursuro ken mangicascasaba a ni Jesus isu ti Cristo.

Ngem kinuna ni Pedro: Ananias, apayapay pinunno ni Satanas ta pusom a mangulbod iti Espiritu Santo ken mangitidda ti naglacoan ti talon? No di coma nalaco, di coma natda kenca? ket uray nalaco, saan aya nga adda iti biangmo? Apay nga inawatmo daytoy a banag ita pusom? Saanca a nagulbod cadagiti tao, no di ket iti Dios. Ket ni Ananias, idi mangegna dagitoy a sao, napasag ket nagwayaway ti cararuana. Ket nagkintayeg dagidi isu-amin a nacangeg itoy.

Ket ita cunac cadacayo: Dicay biangan dagitoy a tattao ket baybayanyo ida; ta no daytoy a panggep wenno daytoy nga aramid aggapu cadagiti tao, marbanto: Ngem no aggapu iti Dios, dicayto mabalin a rebbaen ida; di la ket ta rumsua a sumupringcayo iti Dios.