Popular Bible Verses from I SAMUEL 1

Share

Ket nagaramid iti cari, a kinunana, O Jehova dagiti buybuyot, no kitaem coma ti kinaay-ay-ay ti adipenmo a babai, ket lagipennac coma ken dica malipatan ti adipenmo a babai, no di ket mangtedca coma iti adipenmo a babai ti anac a lalaki, siac idatonconto ken Jehova cadagiti amin nga al-aldaw ti panagbiagna, ket dinto umuli ti pangiskis iti rabaw ti olona.

Ket ni Anna adda idi iti kinapait ti cararua, ket nagcararag ken Jehova, ket nagsangit iti nacaro unay.

Ket ni Anna simmungbat ket kinunana, Saan, apoc, siac maysaac a babai a naladingit ti espirituna: diac imminum iti arac wenno iti naingel nga inumen, no di ket imbucbucco ti cararuac iti sango ni Jehova.

Gapu itoy nga ubing nagcararagac ket ni Jehova intedna caniac ti dawatco a dinawatco kencuana.

Idin ni Eli simmungbat ket kinunana, Inca a sitatalna; ket ti Dios ti Israel itedna coma kenca ti dawatmo a dinawatmo kencuana.