Popular Bible Verses from I AR-ARI 3

Share

Iccam ngarud ti adipenmo iti maysa a mannacaawat a puso nga agocom iti ilim, tapno mabalinco nga ilasin ti naimbag ken ti dakes; ta siasino ti macabalin ita nga aldaw nga agocom iti daytoy dackel nga ilim?

Adtoy, siac inaramidco ti cas ti saom: adtoy iniccanca iti maysa a masirib ken mannacaawat a puso; iti casta nga awan pay ti cas kenca nga immuna ngem sica, uray iti calpasam awan tumacderto a capadam.

Ket ti Dios kinunana kencuana, Agsipud ta kiniddawmo daytoy a banag, ket dica dinawat a maipaay kenca met laeng ti atiddug a biag, ken dica dinawat a maipaay kenca met laeng dagiti sanicua, ken dica dinawat ti biag dagiti cabusormo, no di ket dinawatmo a maipaay kenca met laeng ti pannacaawat tapno mailasinmo ti kinalinteg

Ken iniccanca pay ti dica kiniddaw, ti sanicua ken dayaw nga agpadpada, iti casta nga awanto cadagiti ari ti cas kenca, cadagiti amin nga aldawmo.

Ket no magnacanto cadagiti daldalanco, a salimetmetam dagiti linlintegco ken dagiti bilbilinco, a cas pannagna idi ni David nga amam, iti casta paatiddugecto dagiti aldawmo.

Idiay Gabaon ni Jehova nagparang ken Salomon iti maysa a tagtagainep iti rabii; ket ti Dios kinunana, Kiddawem ti itedconto kenca.

Ket ita, O Jehova a Diosco, sica inaramidmo ti adipenmo iti saad ni David nga amac; ket maysaac nga ubing laeng; diac ammo no casano ti iruruar wenno iseserrec.

Ket ti bitla inayat ti Apo, ta ni Salomon kiniddawna daytoy a banag.

Ket ni Salomon kinunana, Sica impakitam ken adipenmo a David nga amac ti dackel a kinaimbag, a mayalubog iti pannagnana iti sangom iti kinapudno, ken iti kinalinteg, ken iti kinasingpet ti puso a kimmuyog kenca; ket inicutam a maipaay kencuana daytoy dackel a kinaimbag, ta isu ti iniccam iti maysa nga anac nga agtugaw iti tronona, a cas ita nga aldaw.

Ket ti adipenmo adda iti tengnga ti ilim a pinilim, a maysa nga ili a dackel, nga isu ti saan a mabilangen ken mapocpoc agsipud iti kinaruay.