Popular Bible Verses from I JUAN 2

Share

Dicay ayaten ti lubong, uray dagiti banbanag nga adda ditoy lubong. No ti siasinoman a tao agayat iti lubong, ti ayat ti Ama awan kencuana. Ta isu-amin nga adda ditoy lubong, ti derrep ti lasag, ken ti derrep dagiti mata, ken ti kinapalangguad ti panagbiag, saanda nga aggapu iti Ama, no di iti lubong.

Ket ti lubong aglabas, ken ti dakes a tarigagayna; ngem ti agaramid iti pagayatan ti Dios mataginayon.

Ti agcuna nga agtalinaed kencuana, rebbengna met ti magna a cas iti pannagnana idi.

Annacco a dongdongoec, isuratco cadacayo dagitoy a banbanag tapno dicay coma agbasol. Ket no addanto siasinoman a macabasol, addaantayo ti Manangibabaet iti Ama, nga isu ni Jesu-Cristo a nalinteg

Ti agcuna nga: Isu ammoc, ket dina met tungpalen dagiti bilbilinna, isu ti naulbod ket awan ti pudno kencuana

Ket gapu itoy, maammoantayo nga isu am-ammotayo, no salimetmetantayo dagiti bilbilinna.

Ti agcuna nga adda iti lawag ket guraenna ni cabsatna, adda pay laeng iti kinasipnget agingga ita.

Asino ti naulbod, no di daydiay mangilibac a ni Jesus isu ti Cristo? Daytoy isu ti anti-cristo, daydiay mangilibac iti Ama ken iti Anac.

Siasinoman a mangilibac iti Anac, awan met ti Ama kencuana: ti mangipudno iti Anac, adda met kencuana ti Ama.