Popular Bible Verses from MARCOS 6

Share

Kag nagsiling sia sa ila, “Kari kamo sing pahain sa duug nga baw-ing, kag magpahuway sing diotay.” Kay madamu ang nagapakari kag nagapakadto, kag wala sila sing tion bisan sa pagkaon.

Kag si Jesus nagsiling sa ila, “Ang manalagna may kadungganan, luwas sa iya kaugalingon nga duta, kag sa tunga sang iya kaugalingon nga himata, kag sa iya kaugalingon nga panimalay.”

Sang nagtakas sia nakita niya ang daku nga kadam-an, kag nalooy sia sa ila, kay subong sila sang mga carnero nga walay manugpahalab; kag nagsugud sia sa pagpanudlo sa ila sing madamu nga butang.

Kag indi sia makahimo didto sing buhat nga gamhanan, luwas nga napandung niya ang iya mga kamut sa pila ka masakiton kag nag-ayo sa ila. Kag natingala sia bangud sang ila pagkadimatinoohon. Kag naglibut sia sa mga minoro nga nagapanudlo.

Kag ginkuha niya ang lima ka tinapay kag duha ka isda kag sang nagahangad sa langit, ginpakamaayo niya, kag gintipiktipik ang mga tinapay, kag ginhatag niya sa mga gintoton-an nga ibutang sa atubangan sang katawohan; kag ginbahinbahin niya ang duha ka isda sa ila tanan. Kag nagkaon sila tanan kag nabusug. Kag gintipon nila ang napulog duha ka alat nga puno sang mga tinipik kag sang mga isda.