Popular Bible Verses from MARCOS 13

Share

kag dumtan kamo sang tanan nga tawo bangud sa akon ngalan. Apang ang nagapadayon tubtub sa katapusan maluwas.

Andam kamo, magbantay [kag magpangamuyo]; kay wala ninyo mahibaloi kon san-o ang tion.

Kag kon dalhon kamo nila sa hukmanan kag itugyan kamo, dili kamo maghimud-os nga daan kon ano ang inyo isiling; apang ang bisan ano nga ihatag sa inyo sa sadtong takna, ina ihambal ninyo, kay indi kamo ang nagahambal, kondi ang Espiritu Santo.

Ang langit kag ang duta magataliwan, apang ang akon mga polong indi magataliwan.

“Apang nahanungud sadtong adlaw ukon sadtong takna walay isa nga nakahibalo, bisan pa ang mga manugtunda sa langit, ukon ang Anak, kondi ang Amay lamang.

Kag kon kamo makabati sang mga inaway kag mga kinonokono sang mga inaway, dili kamo malisang; kay ini kinahanglan nga mahanabu, apang indi pa ang katapusan.

Busa magbantay kamo—kay wala kamo makahibalo kon san-o maabut ang agalon sang balay, kon sa kahaponon, ukon sa tungang gab-i, ukon sa tigpamalo sang manuk, ukon sa kaagahon— basi kon mag-abut sa hinali masapwan niya kamo nga nagakatolog. Kag ang ginasiling ko sa inyo ginasiling ko sa tanan: Magbantay.”

Kay ang pungsud magatindug batok sa pungsud, kag ang ginharian batok sa ginharian; may mga linog sa nagakalainlain nga mga duug, may mga tiggulutum; ini amo ang pamuno sang mga kasakit.

Kag ang maayong balita kinahanglan ibantala anay sa tanan nga kapungsuran.

Madamu ang magakari sa akon ngalan, nga nagasiling, ‘Ako amo sia!’ kag magapatalang sang madamu.

“Apang andam kamo sa inyo kaugalingon; kay itugyan kamo nila sa mga corte; kag sa mga sinagoga bunalon kamo; kag magatindug kamo sa atubangan sang mga pangolo-puud kag sang mga hari bangud sa akon, sa pagpamatuud sa ila.

Kay magalutaw ang dimatuud nga mga Cristo kag dimatuud nga mga manalagna kag magapakita sing mga tanda kag mga kalatingalahan, agud nga mapatalang nila, kon mahimo, ang mga pinili.

“Apang sa sadtong mga adlaw, sa tapus yadtong kangitngitan, ang adlaw padulmun, kag ang bulan indi maghatag sang iya kapawa, kag ang mga bitoon magakaholog gikan sa langit, kag ang mga kagamhanan nga yara sa mga langit uyugon.