Popular Bible Verses from MATEO 24

Share

Kag bangud nga ang kalautan magabuad, ang gugma sang kalabanan magabugnaw. Apang ang nagapadayon tubtub sa katapusan maluwas.

Kag iwali ining maayong balita sang ginharian sa bug-os nga kalibutan, subong nga saksi sa tanan nga kapungsuran; kag ugaling magaabut ang katapusan.

Kag makabati kamo sing mga inaway kag mga kinonokono sang mga inaway; talupangda ninyo nga indi kamo magkalalisang; kay ini kinahanglan nga mahanabu, apang indi pa ang katapusan.

Kay ang pungsud magatindug batok sa pungsud, kag ang ginharian batok sa ginharian, kag may mga tiggulutum kag mga linog sa nagakalainlain nga mga duug: tanan ini pamuno lamang sang mga kasakit.

Ang langit kag duta magataliwan, apang ang akon mga polong indi magtaliwan.

Kay madamu ang magakari sa akon ngalan, nga nagasiling, ‘Ako ang Cristo,’ kag magapatalang sang madamu.

Niyan itugyan kamo nila sa kangitngitan, kag pamatyon kamo; kag dumtan kamo sang tanan nga kapungsuran bangud sa akon ngalan. Kag niyan masandad ang madamu, kag magatinugyanay sila, kag magadinumtanay ang isa sa isa. Kag magalutaw ang madamung dimatuud nga manalagna kag magapatalang sang madamu.

Kag si Jesus nagsabat sa ila, “Andam kamo nga walay tawo nga magpatalang sa inyo.

Busa maghanda man kamo; kay sa takna nga wala ninyo paghunahunaa magakari ang Anak sang tawo.

Busa bantay kamo, kay wala kamo makahibalo kon sa ano nga adlaw magakari ang inyo Ginoo.

“Apang nahanungud sadtong adlaw kag takna wala sing nakahibalo, bisan pa ang mga manugtunda sang langit, ukon ang Anak, kondi ang Amay lamang.

Kay magalutaw ang dimatuud nga mga Cristo kag dimatuud nga mga manalagna kag magapakita sila sing dalagkung talandaan kag kalatingalahan, agud nga mapatalang, kon mahimo, bisan ang mga pinili.

Subong sang mga adlaw ni Noe, amo man ang pag-abut sang Anak sang tawo. Kay subong sa sadtong mga adlaw sa wala pa ang anaw sila nagakaon kag nagainum, nagapangasawa kag nagapamana, tubtub sa adlaw nga nagsulud si Noe sa arca, kag sila wala makahibalo tubtub nga nag-abut ang anaw kag nagdala sa ila nga tanan, amo man ang pag-abut sang Anak sang tawo.