Popular Bible Verses from JOSUE 6

Share

Kag ang GINOO nagsiling kay Josue, “Tan-awa, nahatag ko sa imo kamut ang Jerico, kag ang iya hari kag ang isganan nga mga lalaki.

Kag kon patunggon nila sing malawig ang sungay sang carnero, kon mabatian ninyo ang tonog sang budyong, niyan ang bug-os nga katawohan magsinggit sa mabaskug nga tingug; kag ang kuta sang banwa mapukan sing haplak, kag ang katawohan magasaka ang tagsa ka tawo patadlong sa atubang niya.”

Libuton ninyo ang banwa, tanan nga lalaki sa pag-ayawan nga nagalibut sang banwa sing makaisa. Amo ini ang himoon mo sa anum ka adlaw.

Kag pito ka sacerdote magdala sing pito ka budyong nga sungay sang carnero sa atubangan sang kaban; kag sa ikapitong adlaw libuton ninyo sing makapito ang banwa, kag ang mga sacerdote magapatonog sang mga budyong.

Karon ang Jerico natakpan sing malig-on bangud sang katawohan sang Israel; wala gid sing naggowa, kag wala gid sing nagsulud.

Kag sa ikapito, sang nagpatonog sang mga budyong ang mga sacerdote, si Josue nagsiling sa katawohan, “Singgit kamo; kay ginhatag sa inyo sang GINOO ang banwa.

Kag ang banwa ipahanungud sa GINOO, kag ang tanan nga yara sa sini; lamang si Rahab nga makihilawason magakabuhi, kag tanan nga yara sa balay kaupud niya, bangud nga gintago niya ang mga manugbalita nga ginpadala naton.