Popular Bible Verses from JOSUE 1

Share

Wala bala ako magsogo sa imo? Magpakabakud kag magpakaisug; dili ka mahadluk, ukon mahangawa; kay ang GINOO nga imo Dios nagaupud sa imo bisan diin ka makadto.”

Ining tolon-an sang kasogoan indi magbulag sa imo baba, kondi magpamalandong ka sa iya sa adlaw kag gab-i, agud nga makabantay ka sa paghimo sono sa tanan nga nasulat sini; kay niyan mapabugana mo ang imo dalanon, kag niyan may maayo ka nga kauswagan.

Lamang magpakabakud kag magpakaisug gid, sa pagbantay sa paghimo sono sa bug-os nga kasogoan nga ginsogo sa imo sang akon alagad nga si Moises; dili ka maglipas gikan sini sa too ukon sa wala, agud nga may maayo ka nga kauswagan sa bisan diin ka makadto.

Wala sing tawo nga makasarang sa pagtindug sa atubangan mo sa tanan nga adlaw sang imo kabuhi; subong nga ako nag-upud kay Moises, sa amo magaupud ako sa imo; indi ako magpabaya sa imo ukon magbiya sa imo.

Magpakabakud kag magpakaisug; kay papanublion mo ini nga katawohan sang duta nga ginsumpa ko sa ila mga ginikanan nga ihatag sa ila.

Ang tagsa ka duug nga matapakan sang dapadapa sang imo tiil nahatag ko ini sa imo, sono sa napamolong ko kay Moises.

“Si Moises nga akon alagad napatay na; busa karon tindug, tabok ka sini nga Jordan, ikaw kag ining bug-os nga katawohan, pakadto sa duta nga ginahatag ko sa ila, sa katawohan sang Israel.

Sang patay na si Moises nga alagad sang GINOO, ang GINOO nagpamolong kay Josue nga anak ni Nun, alagad ni Moises

Kutub sa kamingawan kag sini nga Libano tubtub gid sa daku nga suba, ang suba nga Eufrates, ang bug-os nga duta sang mga Hethanon kag tubtub sa daku nga dagat nayon sa katundan mangin-inyo dulunan.

Ang bisan sin-o nga maglalis sa imo sogo kag indi magpamati sa imo mga polong, sa tanan nga ginasogo mo sa iya, patyon sia. Lamang magpakabakud kag magpakaisug.”

“Mag-agi kamo sa tunga sang dologan, kag sogoa ang katawohan, ‘Aman kamo sing balon; kay sa sulud sang tatlo ka adlaw magatabok kamo sini nga Jordan, sa pagsulud sa pagtag-iya sang duta nga ginahatag sa inyo sang GINOO nga inyo Dios sa pagtag-iya sini.’”