Popular Bible Verses from JOB 1

Share

Niyan si Job nagtindug, kag nagkusnit sang iya kunup, kag nagkiskis sang iya olo, kag naghapa sa duta, kag nagsimba. Kag nagsiling sia, “Hubo ako nga naggowa sa tiyan sang akon iloy, kag hubo magabalik ako; ang GINOO naghatag, kag ang GINOO nagkuha; pakamaayohon ang ngalan sang GINOO.” Sa sini tanan wala makasala si Job ukon nagpabangud sa Dios sing binuang.

May isa ka tawo sa duta sang Uz, nga ginhingalanan Job; kag yadto nga tawo himpit kag matarung, isa nga mahadlukon sa Dios, kag nagalikaw sa malaut.

Kag ang GINOO nagsiling kay Satanas, “Natalupangdan mo bala ang akon alagad nga si Job, nga wala sing kaangay sa iya sa duta, tawo nga himpit kag matarung, nga mahadlukon sa Dios kag nagalikaw sa malaut?”

Kag ang GINOO nagsiling kay Satanas, “Yari karon, ang tanan nga iya yara sa imo gahum; lamang dili mo pag-untayon ang imo kamut sa iya kaugalingon.” Gani si Satanas naghalin sa atubangan sang GINOO.