Popular Bible Verses from GENESIS 22

Share

Gani ginhingalanan ni Abraham yadtong duug Ang GINOO magatigana; subong sang ginasiling tubtub karon nga adlaw, “Sa bukid sang GINOO may itigana.”

Nagsiling sia, “Kuhaa ang imo anak, ang imo bugtong nga anak si Isaac, nga ginahigugma mo, kag kadto ka sa duta sang Moria, kag ihalad mo sia didto subong nga halad-nga-sinonog sa isa sang mga bukid nga akon isiling sa imo.”

Nagsiling sia, “Dili pagpatup-i sang imo kamut ang bata ukon pag-anha sia; kay karon nakilala ko nga ikaw nagakahadluk sa Dios, sa ginatan-aw nga wala mo pag-idumili sa akon ang imo anak nga bugtong.”

Si Abraham nagsiling, “Ang Dios iya magaaman sang cordero sa halad-nga-sinonog, anak ko.” Gani nagpadayon sila nga duha sa paglakat.

sa pagkamatuud pakamaayohon ko ikaw, kag pabuaron ko ang imo mga kaliwatan subong sang kabitoonan sang langit kag subong sang balas nga yara sa baybayon sang dagat. Kag ang imo mga kaliwatan magatag-iya sang gawang sang ila mga kaaway, kag sa imo mga kaliwatan pakamaayohon ang tanan nga pungsud sang duta, bangud nagtuman ka sa akon tingug.”

Sa tapus sining mga butang ang Dios nagtilaw kay Abraham, kag nagsiling sa iya, “Abraham!” Kag nagsiling sia, “Yari ako.”

Apang ang manugtunda sang GINOO nagtawag sa iya gikan sa langit, kag nagsiling, “Abraham, Abraham!” Kag nagsiling sia, “Yari ako.”

Kag ang manugtunda sang GINOO nagtawag kay Abraham sa ikaduhang tion gikan sa langit, kag nagsiling, “Sa akon kaugalingon nagsumpa ako, nagasiling ang GINOO, bangud nga naghimo ka sining butang, kag wala mo pag-idumili ang imo anak, ang imo bugtong nga anak

Sang nag-abut sila sa duug nga ginsiling sa iya sang Dios, si Abraham nagpatindug didto sang halaran, kag ginbangdaybangday niya ang gatong, kag gingapus si Isaac nga iya anak, kag gintungtung sia sa halaran, sa gatong.