Popular Bible Verses from 2 MGA HARI 2

Share

Sang nakatabok sila, si Elias nagsiling kay Eliseo, “Pangayo ka sang himoon ko tungud sa imo, sa wala pa ako pagkuhaa sa imo.” Kag si Eliseo nagsiling, “Ginaampo ko sa imo, magmanginyari sa akon ang dubli nga bahin sang imo espiritu.”

Kag sang naglakat pa sila kag naghambalanay, yari karon, nagpahayag ang isa ka kangga nga kalayo kag mga kabayo nga kalayo nga nagbulag sa ila nga duha. Kag si Elias nagpaibabaw pa langit paagi sa buhawi.

Kag nagsiling sia, “Nagpangayo ka sing butang nga maiwat; kon makita mo ako kon kuhaon ako sa imo, mangin-amo ini sa imo; apang kon indi, indi mangin-amo ini.”

Niyan ginkuha niya ang kunup ni Elias nga naholog gikan sa iya, kag ginbunal ang mga tubig, kag nagsiling, “Diin bala ang GINOO, ang Dios ni Elias?” Kag sang nabunal man niya ang mga tubig, naghawa sila sa pihak kag pihak; kag nagtabok si Eliseo.

Kag nakita ini ni Eliseo kag nagsinggit sia, “Amay ko, amay ko! ang mga kangga sang Israel kag iya mga manugkabayo!” Kag wala na nga mas-a makita niya sia. Niyan ginkaptan niya ang iya kaugalingon nga mga panapton kag ginguyhab sila sa duha ka bahin.

Niyan ginkuha ni Elias ang iya kunup, kag ginpiod ini, kag ginbunal ang mga tubig, kag naghawa sila sa pihak kag pihak, sa bagay nga nagtabok sila nga duha sa mamala nga duta.

Karon sang buut na bayawon sang GINOO si Elias pa langit paagi sa buhawi, si Elias naglakat upud kay Eliseo gikan sa Gilgal.