Popular Bible Verses from Marcos 4

Share

Nagbangon si Jesus kag ginmanduan niya ang hangin, “Maglinong ka!” kag nagsiling sia sa mga balod, “Maglinaw ka!” Dayon naglinong kag naglinaw. Dayon si Jesus nagsiling sa ila, “Ngaa bala nahadlok gid kamo? Ano, wala pa bala kamo sing pagtuo?”

Pero tama gid ang ila kahadlok, kag nagpinamangkutanay sila: “Sin-o bala ini nga tawo? Bisan pa ang hangin kag ang mga balod nagatuman sa iya!”

Pero si Jesus didto sa pangulihi nga bahin sang sakayan nga nagaulon sa ulonan kag nagakatulog. Ginpukaw sia sang mga gintuton-an, kag nagsiling sila sa iya, “Manunodlo, wala ka bala nagakabalaka nga daw malunod na kita?”

Kag si Jesus nagsiling pa gid sa ila, “Talupangda gid ang inyo ginapamatian! Ang talaksan nga inyo ginagamit sa paghukom sa iban amo man ang pagagamiton sang Dios sa paghukom sa inyo, kag sobra pa sini ang pagahimuon sa inyo.

Nagsiling pa gid si Jesus, “Ang paghari sang Dios kaangay sang tawo nga nagsab-og sang binhi sa iya uma. Nagatulog sia kon gab-i, kag kon adlaw nagaobra sia, samtang ang tanom sa binhi nagaulhot kag nagatubo, pero wala sia kahibalo kon paano ang pagkahimo sini.

Gani, kon sin-o ang luyag magpamati, magpamati sia!”