Popular Bible Verses from Marcos 14

Share

Nagpangamuyo sia, “Amay ko, O Amay ko, mahimo mo ang tanan. Ilikaw ining kupa sang pag-antos sa akon. Pero indi ang akon kabubot-on ang matuman kundi ang imo.”

Kag nagsiling sia sa ila, “Magpulaw kamo kag magpangamuyo agod nga indi kamo mahulog sa pagsulay. Handa ang espiritu, ugaling ang lawas maluya.”

Dumdoma ninyo ini! Bisan diin iwali ang Maayong Balita sa bug-os nga kalibutan, isugid man ang ginhimo sini nga babayi sa handumanan niya.”

kag nagsiling sia sa ila, “Daw malumos ako sa kalisod. Pabilin kamo diri kag magbantay.”

Sang nagakaon sila, si Jesus nagkuha sang tinapay, nagpasalamat sa Dios, kag iya ginpamihakpihak ini kag ginhatag sa iya mga gintuton-an nga nagasiling, “Kuha kamo sini, ini amo ang akon lawas.”

Dayon nagkuha sia sang kupa, nagpasalamat sia sa Dios, kag ginhatag ini sa ila, kag sila tanan nag-inom. Nagsiling si Jesus, “Ini amo ang akon dugo nga ginaula para sa madamo, ang akon dugo nga nagaselyo sang kasugtanan sang Dios.

Si Jesus nagsiling sa ila, “Tanan kamo magapalagyo kag magabiya sa akon kay ang kasulatan nagasiling, ‘Ang Dios magapatay sang manugbantay kag magaalaplaag ang mga karnero.’

Bangon kamo, malakat kita. Kita ninyo, nag-abot na ang tawo nga magatugyan sa akon!”

Si Jesus nagsiling sa iya, “Dumdoma ini! Sa wala pa makapamalo ang manok sing makaduha karon gid nga gab-i, ikaw mismo magasiling sing tatlo ka beses nga wala ka makakilala sa akon.”