Popular Bible Verses from Mateo 28

Share

Gani, kadtoi ninyo ang tanan nga mga tawo sa bug-os nga kalibutan kag himua sila nga mga gintuton-an ko. Bautisohi ninyo sila sa ngalan sang Amay kag sang Anak kag sang Espiritu Santo, kag tudloi ninyo sila sa pagtuman sang tanan nga ginsugo ko sa inyo. Kag magaupod ako sa inyo sa gihapon tubtob sa katapusan sang panag-on.”

Nagpalapit si Jesus sa ila kag nagsiling, “Ang bug-os nga awtoridad sa langit kag sa duta ginhatag sa akon.

Ang anghel nagsiling sa mga babayi, “Indi kamo magkahadlok. Nakahibalo ako nga ginapangita ninyo si Jesus nga ginlansang sa krus. Wala sia diri. Nabanhaw sia, suno sa iya ginsiling. Dali kamo diri kag tan-awa ang lugar nga ginpahamyangan sa iya.

Si Jesus nagsiling sa ila, “Indi kamo magkahadlok. Lakat kamo kag sugiri ninyo ang akon mga sumolunod nga magkadto sila sa Galilea, kag didto makita nila ako.”

Nagsinapol ang pangulo nga mga pari kag ang mga katigulangan sang mga Judio, kag naghisugot sila sa paghatag sing madamo nga kwarta sa mga soldado, kag ginsingganan sila, “Isugid ninyo sa mga tawo nga ang iya mga gintuton-an nag-abot sang kagab-ihon kag ginkawat nila ang iya bangkay samtang nagakatulog kamo. Kag kon mabatian ini sang Gobernador, papatihon namon sia nga wala kamo sang kasaypanan. Indi kamo magpalibog.” Ginkuha sang mga gwardya ang kwarta kag ginhimo nila ang ginsiling sa ila. Gani amo ini ang ginapalapnag nga sugid sa mga Judio tubtob sa sini nga adlaw.