Popular Bible Verses from Mateo 23

Share

Ang labing daku sa inyo dapat manginsuloguon ninyo.

Ang bisan sin-o nga nagapakataas sang iya kaugalingon pagapauboson, kag ang bisan sin-o nga nagapaubos sang iya kaugalingon pagapakataason.

“Makaluluoy man kamo, mga manunodlo sang Kasugoan kag mga Fariseo! Mga hipokrito! Nagahatag kamo sa Dios sang ikapulo nga bahin bisan sang mga panakot subong sang tanglad, sang sibuyas, sang luy-a, pero ginapatumbayaan ninyo ang pagtuman sang labing importante nga mga ginatudlo sang Kasugoan, nga amo ang katarungan, kaluoy kag pagtuo. Amo ini ang inyo dapat buhaton nga wala nagapatumbaya sang iban nga mga kasugoan.

“Makaluluoy man kamo, mga manunodlo sang Kasugoan kag mga Fariseo! Mga hipokrito! Ginatinluan ninyo ang sa gwa sang inyo baso kag sang pinggan, pero ang sulod sini puno sang mga butang nga inyo nakuha paagi sa palugos kag kahakog.

“O Jerusalem, Jerusalem! Ikaw nga nagapamatay sang mga propeta kag nagapangbato sang mga ginpadala sang Dios sa imo! Makapila kuntani nga luyag ko tipunon ang imo mga tawo kaangay sang isa ka munga nga nagatipon sang iya mga piso sa idalom sang iya mga pakpak, pero indi ka luyag!

Sa amo man nga bagay, kon tan-awon kamo sang mga tawo daw sa matarong kamo, pero sa sulod ninyo puno sang mga pagpakunokuno kag kalautan.