Popular Bible Verses from Lucas 11

Share

Kon kamo nga mga malaut makahibalo kon paano maghatag sing maayo nga mga butang sa inyo mga kabataan, daw ano pa gid ang inyo Amay nga langitnon. Magahatag sia sang Espiritu Santo sa mga nagapangayo sa iya!”

Gani nagasiling ako sa inyo: Pangayo kamo, kag kamo magabaton, pangita kamo kag kamo makakita, panuktok kamo kag ang pwertahan pagabuksan sa inyo.

Kay ang tagsatagsa nga nagapangayo magabaton, kag ang nagapangita makakita, kag ang pwertahan pagabuksan sa iya nga nagapanuktok.

Si Jesus nagsiling sa ila, “Kon magpangamuyo kamo, magsiling sini: ‘Amay: pasidunggan ang imo balaan nga ngalan. Kabay ang imo paghari magsugod.

Patawara kami sang amon mga sala, kay ginapatawad man namon ang tanan nga nakasala sa amon. Indi kami pagdalha sa mabudlay nga pagtilaw.’”

Hatagi kami adlaw-adlaw sang kalan-on nga amon kinahanglanon.

Ang suga sang imo lawas amo ang imo mga mata. Kon ang imo mga mata maayo, ang bug-os mo nga lawas puno sang kapawa, pero kon ang imo mga mata indi maayo, ang bug-os mo nga lawas puno sang kadudulman.

“Wala sing tawo nga nagasindi sang suga kag iya ginatago ukon ginatakluban ini sang sulokban, kundi ginabutang niya ini sa tulongtungan, agod nga ang mga nagasulod makakita sang kapawa.