Popular Bible Verses from Juan 19

Share

Sang madimdiman ni Jesus ang bino, nagsiling sia, “Tapos na!” Dayon nagduko sia kag napatay.

Si Jesus nakahibalo nga karon ang tanan tapos na, kag agod matuman ang kasulatan nagsiling sia, “Ginauhaw ako.”

Sang makita ni Jesus ang iya iloy kag ang iya hinigugma nga gintuton-an nga nagatindog didto, nagsiling sia sa iya iloy, “Yari ang imo anak.” Dayon nagsiling man sia sa gintuton-an, “Yari ang imo iloy.” Sugod sadto, gindala sang gintuton-an si Maria sa pag-estar sa iya balay.

Pero sang magpalapit sila kay Jesus, nakita nila nga patay na sia, gani wala nila pagbalbaga ang iya mga batiis. Ugaling ang isa sang mga soldado paagi sa iya bangkaw nagbuno sang kilid ni Jesus, kag sa gilayon nag-agay ang dugo kag tubig. (

Nahanabo ini nga mga butang agod matuman ang kasulatan nga nagasiling, “Wala sing isa sang iya mga tul-an nga mabali.” Kag may isa pa gid ka bahin sang kasulatan nga nagasiling, “Ang mga tawo magatulok sa iya nga ila ginbuno sang bangkaw.”

Naggwa sia nga nagapas-an sang iya krus pakadto sa lugar nga ginatawag “Lugar sang Bagol.” (Sa Hebreo ginatawag “Golgota.”)

Ang mga soldado naghimo sing korona nga tunokon kag ginbutang ini sa iya ulo, dayon ginpasuksokan nila sia sing kapa nga granate