Popular Bible Verses from Juan 15

Share

“Ako amo ang puno sang ubas, kamo ang mga sanga. Ang bisan sin-o nga nagapabilin sa akon, kag ako sa iya, magapamunga sing madamo, kay kon wala ako wala kamo sing may mahimo.

Magpabilin kamo sa akon, kag ako magapabilin sa inyo. Kon indi kamo magpabilin sa akon indi kamo makapamunga subong nga ang sanga indi makapamunga sa iya kaugalingon kon wala nagaangot sa puno.

Kon kamo nagapabilin sa akon kag ang akon mga pulong nagapabilin sa inyo, dayon pangayo kamo sang bisan ano nga luyag ninyo, kag inyo ini mabaton.

Indi kamo ang nagpili sa akon, kundi ako ang nagpili sa inyo, kag nagsugo sa inyo sa paglakat kag sa pagpamunga sing madamo, ang sahi sang bunga nga nagapadayon. Dayon ang Amay magahatag sa inyo sang bisan ano nga inyo pangayuon sa akon ngalan.

Ang labing daku nga gugma nga mapakita sang isa ka tawo sa iya mga abyan amo ang paghalad sang iya kabuhi para sa ila.

Ang tagsa ka sanga nga yara sa akon nga wala nagapamunga, ginautod niya, kag ang tagsa ka sanga nga nagapamunga, ginautdan niya agod matinluan, kag magpamunga sing madamo pa.

Ini amo ang akon sugo: maghigugmaanay kamo subong nga ako nagahigugma sa inyo.

Ginapasidunggan ang akon Amay paagi sa inyo pagpamunga sing madamo, kag sa sini nga paagi kamo mangin-akon mga gintuton-an.

“Ako amo ang matuod nga puno sang ubas, kag ang akon Amay amo ang mangungoma.

Ang bisan sin-o nga wala nagapabilin sa akon ginahaboy subong sang isa ka sanga, kag nagakalaya. Ini nga mga sanga ginatipon kag ginahaboy sa kalayo kag ginasunog.

“Ginasugid ko ini nga mga butang sa inyo agod ang akon kalipay manginyara sa inyo, kag ang inyo kalipay manginbug-os.

Kon ginatuman ninyo ang akon mga sugo, magapabilin kamo sa akon gugma, subong nga ginatuman ko ang mga sugo sang akon Amay, kag nagapabilin sa iya gugma.

Gani, amo ini ang akon ginasugo sa inyo: maghigugmaanay kamo.

Kon iya kamo sang kalibutan, ang kalibutan magahigugma sa inyo subong nga kamo iya sang kalibutan. Pero ginpili ko kamo gikan sa sining kalibutan kag indi na kamo iya sining kalibutan. Gani, ang kalibutan nagadumot sa inyo.