Popular Bible Verses from Genesis 6

Share

nagkasubo sia nga gintuga niya ang mga tawo kag ginpaestar sa duta. Daku gid ang iya kasubo

Sang makita sang GINOO nga ang mga tawo tama gid kalaut sa bug-os nga duta, kag ang ila mga panghunahuna tama gid kahigko sa tanan nga tion

Pero ang GINOO nahamuot kay Noe.

Amo ini ang kasaysayan sang kabuhi ni Noe. May tatlo sia ka mga anak nga lalaki nga amo sanday Sem, Ham, kag Jafet. Si Noe amo gid lang ang matarong kag wala sing kasawayan nga tawo sang iya panag-on. Nagkabuhi sia sa paghiambit sa Dios.

gani nagsiling sia, “Laglagon ko ang tanan nga mga tawo nga akon gintuga sa duta. Laglagon ko man ang tanan nga mga kasapatan kag ang tanan nga mga kapispisan, tungod kay nagakasubo ako nga ginhimo ko sila.”

Sang magdamo na ang mga tawo sa bug-os nga kalibutan, kag may nagkalatawo nga mga babayi, nakita sang langitnon nga mga tinuga nga ining mga babayi matahom, gani ginpangasawa nila ang ila mga naluyagan. Karon ang GINOO nagsiling, “Indi ako magpahanugot nga ang mga tawo magkabuhi sing walay katapusan, kay sila mamalatyon. Sugod karon magakabuhi sila sing indi magsobra sa 120 ka tuig.” Sa sadtong mga adlaw, kag bisan sang ulihi, may mga higante sa duta nga mga anak sang tawhanon nga mga babayi kag sang langitnon nga mga tinuga. Sila ang kinilala nga mga baganihan kag bantog nga mga tawo sadto nga panag-on.

Ginhimo ni Noe ini tanan suno sa ginsugo sang Dios sa iya.

Ang Dios nagsiling kay Noe, “Nagpamat-od ako nga laglagon ko ang tanan nga katawhan. Laglagon ko sila sing bug-os tungod kay ang kalibutan napun-an sang ila malain nga mga binuhatan.

Maghimo ka sing arka kag gamiton mo ang maayo nga mga kahoy. Maghimo ka sing mga hulot sa arka kag butangan mo ini sang aspalto sa sulod kag sa gwa.

Gintan-aw sang Dios ang kalibutan kag nakita niya nga malaut ini, kay ang mga tawo nagakabuhi sa kalautan.

Magdala ka sa arka sang isa ka pares sang tagsa ka sari sang sapat, kag sang tagsa ka sari sang pispis, agod mabuhi sila.