Popular Bible Verses from Genesis 37

Share

Isa ka adlaw si Jose nagdamgo, kag sang ginsugid niya ini sa iya mga utod naakig pa gid sila tapat sa iya.

Si Jacob nagpalangga kay Jose labaw sang sa tanan niya nga mga kabataan nga lalaki, tungod kay si Jose natawo sang tigulang na sia. Ginhimuan niya sia sing malaba nga bayu nga may malaba nga mga pako.

Sang makita sang iya mga utod nga ang ila amay nagpalangga kay Jose sing labi pa sang sa ila, naakig gid sila sa ila utod kag indi maayo ang pagtamod nila sa iya.

Dayon si Jose nagdamgo naman kag ginsugiran niya ang iya mga utod nga lalaki. Nagsiling sia, “May isa naman ako ka damgo, kag sa sini nga damgo nakita ko ang adlaw, ang bulan kag ang onse ka mga bituon nga nagasaludo sa akon.”

Ang mga utod nga lalaki ni Jose nahisa gid sa iya, pero ang iya amay nagpanghunahuna sing madalom nahanungod sini nga butang.

Nagsiling sia sa ila, “Pamatii ninyo ang damgo ko. Sa akon damgo, didto kita tanan sa uma nga nagapangbugkos sing mga uhay sang trigo. Sa hinali ang akon binugkos nagbangon kag nagtindog sing tadlong. Ang inyo mga binugkos naglibot kag nagsaludo sa akon binugkos.”

Dali kamo, patyon ta sia kag ihulog ang iya bangkay sa isa sining mamala nga mga bubon kag masiling lang kita nga may talunon nga sapat nga nagpatay sa iya. Dayon tan-awon ta kon ano ang maabutan sang iya mga damgo.”

kag sang pag-agi sang mga negosyante nga Midianhon, ginbatak si Jose sang iya mga utod halin sa bubon, kag ginbaligya sia sing baynte ka bilog nga mga pilak sa mga Ismaelinhon kag gindala sia sa Ehipto.

Nagsiling sila sa isa kag isa, “Yara nagapadulong ang paladamgo.

Sang malayo pa sia, nakita na nila sia, kag sang wala pa sia makaabot, nagplano sila sa pagpatay sa iya.

Sa baylo nga patyon ninyo sia, ihulog lang ninyo sia sa sini nga bubon sa desierto, pero indi ninyo sia pagsakita.” Ginsiling niya ini kay nagaplano sia sa pagluwas kay Jose agod makabalik sia sa iya amay.