Popular Bible Verses from Márko 13

Share

Itín gálaat lulle ˈdaa meenychú ˈdugaka haí neebeedhe. Tá máá hééllá lulle mé ki chirsat-, ˈjíig he mé đig yeetká Waag haí rianna.

Biiy ˈdeeˈdemíe, haí mé les ki gân! Hééllá lulle kúlích ali kí ˈdeˈdeenká ití muog.

Aalé gaalí giiliˈgay-, gaal hí gál arráká ˈdu gáá eeyka, hé hí hogotoká haí geer gaa ˈdeenêny. Af kinaallá ˈdéé hót Waag hí shiichoká hoogodhóo. ˈDeeny hí af geer yé gáá ˈdeˈdeenká Hím Naasan Waaˈgieto hí hogoto, hé itín muuniny.

Úr ubaa les el met haí ˈgiidha. Tá ˈdeenychú íín hé el met hí ma ˈgiˈgin.

Kúlích kinaallá ubaa aadh ˈgásle, Waag gállé ˈgasso-, urruká yíekaʼ, yáá Ínyííl yíekaʼ, hé máá níínní hí ogká mán. ˈJaachú tákáma hí og.

Hí oosom ka ˈjóbká ubaa oosom fágká hemle maalleka haí bírginy. Hééllá yiem hai ká ˈdeeme, tá les el ˈdaˈdle hé geđ igiˈdo.

Aaléka, met hí ˈdú ˈgie. É máálle aflé he ka ˈjeˈjeenká ití muog. Mu gelga ká ˈjeˈjemekaʼ, naan sibil hí aabunawká ká ˈjejemekaʼ, lug erká kí ˈjejemekaʼ, bur ká ˈjejemekaʼ, ití muog. Hátlé hí ram gaa iiyya-, mú hí met muogká ha muí af kí ˈdíiny. Hé yú hí geđúóllá gálaat lullé úba yú geđia, Mé les gaa ée, yú yeedhe, Yíésu hí gáál yie.

Kidh hollo hol yeese, kansimano lesam met eiy ki ˈgiiyyoká hollo hol cheese. Les totom haí motoonno, biiy kuoˈd haí gáá ˈdeenne. Hééllá lulle kulle hát geer veerit erkob-, min verennoká he ká yaalla.

Erkob Fayam chia Midhaballá gaalí kidh met lulle ki ˈdiiyeen.

Gál burnayká meenychú hai kí yiimedhe, gálaat hai geđia, kieye, Yú he Kirísto, hai yeedhe, gaal gál ilishká hai baađisia.

Tá itín hol ˈdeeˈdemíe, ar ha gaalí fafaa, ény ˈdiiyiminyká ha gaalí gaa tuuna. ˈDaachú ˈdugaka gál kaansúoká ubaa gál les met ki ˈgieká ha gaalí ˈdú egee. Gál kinaallá metle ˈduuwchú haí gaa hogoto.

Gál hođomlé-, hol Kirísto ka hođuoká ubaa gál Waag hí ˈdeem ka shigichoká hol ka hođuoká biiy hai gáá ˈdeeme. Gaal hé farguogo-, kálta gálaat hí il ma ki árginy-, gálaat hí af ˈdaˈdaboká hai ekemeye. Hé gaalí ekemeyóóllá har hé gaalí hát gaa ˈguoká onnônyka hé gál Waag hí waarateká úba bađisie.

Bár kinaal manyjasiny el ˈdaal, aadh hai oongʼoroyyo, ˈguiy édhum hai ˈdaaba. Hidhino úr hai gáá okodmoˈdo, hé farguogo-, úr gaa ˈgieká Waag haí muotisicha.