Popular Bible Verses from Lúka 11

Share

Har káána úba hí gál ˈdeđewká kátaka, umkícho hé ˈdabaan hí shigichoká it óg. Tá ˈJaa kíchia úr ijoká íín gál hí Hím Naasan Waaˈgiet ruogonoká hé gál kinaallá Hím Naasan Waaˈgiet súm ma shiginy? Yíésu hí gáál yie.

Aalé yú hí geeye, Waag he roogonóo, Waag he haí shigicha. Waag ˈdú kiritíe, it Waag he ma gaa ˈdaabiny. ˈBíl af ˈdóo, Waag ˈbíl af haí kí fuuˈda.

Máá Waag he ruogonoká he hai aargira. Máá Waag ˈdú ˈdootká hé Waag he ma gaa ˈdaabiny. Máá ˈbíl af ˈduoká, Waag ˈbíl af haí ki fuuˈda.

Aalé Yíésu gáál geey, kieye, Hí Waag vivisatoká hatallá yiegedhíe: Baabá Waag, meenykú gaalí meeyo, guchkú hí lésallá ká chimet.

Hé nyí ˈdeeđeneycheká ˈdaalleka nyí ˈdú ˈjé, hát giri nyiin gál nyí he ki ˈdeeđeneyká lulle nyí ˈdú ˈjeˈjeennééllá. Hé ˈdeđew-, maralle nyí ˈgayyaká nyí af gaa táátaʼ.

ˈGuom kínyaa nyí nyuoˈdoká bar lulle nyí ka shíígish.

Inkú he gónkú nyátáállé. Inkú ˈdabíntaka, gónkú lulle édhumo he ˈgayya. Inkú ˈdeđíntaka, af kinaalka gónkú lulle gaa ongʼoˈde.

Aalé Yíésu geđi kieye, Hé máá níínní nyátáá ˈjiet gaa iđieka, nyátáá noon sug gaa kakawká mán, héétí ubaa nyátáá ˈdaat af bubuoká mán. Nyátáá ˈdigacho gaalí ki ređia, in nyátáá ˈbíl gaa eedhesicha, gál ˈbíl ka hiloká ˈbíl geer gaa arga.