Popular Bible Verses from Yuána 19

Share

Yíésu ˈduuny kinaal ˈbuuteká kieye, He hé đue! yie, đo mé les ki ˈdoy, sidh hí yé gaa ˈdiiyye.

Aalé el ˈdaal, Yíésu hát he lulle đusieká ógká in kieye, Yú báre ˈgaa, yie. Mu hééllá hodhééllá he ˈdeeny Warˈgat Waaˈgiet hí hoteká ˈduway.

Yíésu ˈjielle ubaa máá láli-, muí gielká ál kinaal ˈgie-, muí argeká, Yíésu ˈjielle vie, kieye, ˈJie, máá hí hol af ˈgiiyyáállá aalé he inykú, yie. Aalé mu máá giri láliká geey, kieye, Bá dháash, máállá aalé he ˈjiekú, yie. Ameeny kinaallá in máá lálííllá Yíésu ˈjielle máá ˈbíl geerle hote.

Gaal Yíésu ˈdu gáá yimie-, mu kuf argeká, hé mú ˈgas ma gaa ˈgieˈgîny. Aaléka, gál yuoyóká mú tikiˈd Yíésu naan beet gaa veere, Yíésu đo fas ubaa bie hí gáá hele.

Hééllá hatallá ˈdíéllá he giri hé Warˈgat Waaˈgiet hí hote-, kieye, Mú lafle hé lafit tikiˈde gaalí gaa ˈgieˈguoká mán, chieká, ˈduuwawká. Warˈgat Waaˈgiet ali tikiˈd úba kieye, Gaal máá beet gaa veereká hai dhaˈgama, he chie.

Yíésu ˈgórlé đarám yaalká eedhdhe, gaal sedhe, ál gaalí Ál Me ˈGonte yegetká mé nie. Ál kinaallá af Heberewka, Golgóta, gaalí yegedhe.

Yuoy đo shóte híí tág gaa niiyye, mú mé kaayye. Gaal mú đafar gielle-, búr korbiso mare kaay.