Popular Bible Verses from Lucas 10

Share

Pamati kamo! Gihatagan ko kamog gahom aron makahimo kamo pagyatak sa mga bitin ug sa mga tanga ug sa tanang gahom sa Yawa, ug walay makaunsa kaninyo.

Apan ang Ginoo mitubag kaniya, “Marta, Marta, naguol ug nahingawa ka sa daghang mga butang nga usa ra man unta ang gikinahanglan. Gipili ni Maria ang labing maayo ug walay makakuha niini gikan kaniya.”

Ang magtutudlo sa Balaod mitubag, “ ‘Higugmaa ang Ginoo nga imong Dios sa tibuok mong kasingkasing ug sa tibuok mong kalag ug sa tibuok mong kusog ug sa tibuok mong hunahuna’ ug ‘Higugmaa ang imong isigkatawo ingon sa paghigugma mo sa imong kaugalingon.’”

Miingon siya kanila, “Ang anihon daghan apan diyutay ra ang mga mangangani. Busa pag-ampo kamo sa tag-iya sa anihon aron magpadala siyag dugang pang mamumuo nga moani niini.

Ug si Jesus mitapos pag-ingon, “Karon, sa imong hunahuna kinsa man niining tulo ang nagpamatuod nga isigkatawo sa gitulisan?” Ang magtutudlo sa Balaod mitubag, “Kadtong naluoy kaniya.” Si Jesus miingon, “Busa lakaw ug buhata ang sama sa iyang gibuhat.”

Lakaw kamo, ako nagpadala kaninyo nga sama sa mga nating karnero taliwala sa mga lobo.