Popular Bible Verses from MGA PANULTIHON 10

Share

Ang panalangin sa GINOO makapadato, ug siya wala magdugang ug kasubo niini.

Kon daghan ang mga pulong, dili mawala ang kalapasan, apan siya nga nagpugong sa iyang mga ngabil maalamon.

Ang pagdumot naghatag ug kasamok, apan ang gugma nagtabon sa tanang mga kalapasan.

Ang kamot nga tapolan maoy hinungdan sa kakabos, apan ang kamot sa kugihan makapahimong adunahan.

Siya nga namati sa pahimangno anaa sa dalan paingon sa kinabuhi, apan siya nga nagsalikway sa pagbadlong nasaag.

Siya nga naglakaw sa kaligdong naglakaw sa kasigurohan, apan siya nga nagbalit-ad sa iyang mga pamaagi masakpan.

Ang pagkahadlok sa GINOO maglugway sa kinabuhi, apan ang mga tuig sa daotan mamubo.

Ang GINOO dili motugot sa matarong nga magutman, apan santaon niya ang tinguha sa daotan.

Sa dihang molabay ang unos, mahanaw ang daotan, apan ang matarong malig-on hangtod sa kahangtoran.