Popular Bible Verses from MARCOS 11

Share

Busa sultihan ko kamo nga bisan unsay inyong pangayoon pinaagi sa pag-ampo, tuohi nga nadawat na ninyo kini ug kamo makadawat niini.

Sa pagkatinuod sultihan ko kamo, nga si bisan kinsa nga moingon niining bukira, ‘Maalsa ka ug matambog ngadto sa dagat,’ ug dili magduhaduha sa sulod sa iyang kasingkasing, kondili motuo hinuon nga matuman gayod ang iyang gisulti, kini mahitabo gayod alang kaniya.

Ug sa matag higayon nga kamo motindog aron sa pag-ampo, kon aduna kamoy kayugot batok kang bisan kinsa, pasayloa siya aron ang inyong Amahan nga anaa sa langit mopasaylo usab kaninyo sa inyong mga kalapasan.”

Ug si Jesus miingon kanila, “Pagbaton ug pagtuo ngadto sa Dios.

Nanudlo siya ug miingon kanila, “Dili ba nasulat man, ‘Ang akong balay tawgon ug balay nga ampoanan alang sa tanang mga nasod’? Apan kini gihimo ninyong tagoanan sa mga tulisan.”

Ang mga nag-una ug ang mga nagsunod naninggit, “Hosanna! Dalaygon siya nga mianhi sa ngalan sa Ginoo!

Dalaygon ang umaabot nga gingharian sa atong amahan nga si David! Hosanna sa kahitas-an!”