Popular Bible Verses from Joel 1

Share

Paggahin ug panahon sa pagpuasa, pagtawag ug usa ka balaang panagtigom. Tigoma ang mga kadagkoan ug ang tanang nagpuyo sa yuta ngadto sa balay sa GINOO nga inyong Dios ug pagtuaw kamo ngadto sa GINOO.

Pagbisti kamo ug sako ug pagbangutan, O mga pari, pagminatay, O mga alagad sa halaran. Panulod kamo, pagpalabay sa kagabhion nga magsul-ob ug sako, O mga alagad sa akong Dios! Tungod kay ang halad nga pagkaon ug ang halad nga ilimnon gihikaw gikan sa balay sa inyong Dios.

Ang paras nalaya, ug ang kahoyng igera nalawos. Ang granada, ang palma ug ang mansanas, ang tanang kahoy sa kaumahan nangalaya; ang kalipay nawala gikan sa mga anak sa mga tawo.