Popular Bible Verses from ISAIAS 64

Share

Gikan pa sa karaang panahon walay nakabati o nakasabot pinaagi sa igdulungog, walay mata nga nakakita ug usa ka Dios gawas kanimo, nga nagbuhat alang niadtong naghulat kaniya.

Apan karon, O GINOO, ikaw mao ang among Amahan, kami yuta nga kulonon, ug ikaw mao ang among magkukulon; kaming tanan binuhat sa imong kamot.

Kaming tanan nangahimo nga sama sa usa nga hugaw, ug ang tanan namong matarong nga binuhatan sama sa usa ka bisti nga nahugawan. Kaming tanan nangalaya sama sa usa ka dahon, ug ang among mga kasal-anan, sama sa hangin, nagpalid kanamo.