Popular Bible Verses from ISAIAS 6

Share

Unya akong nadungog ang tingog sa Ginoo nga nag-ingon, “Kinsa man ang akong ipadala, ug kinsay moadto alang kanamo?” Unya miingon ako, “Ania ako, paadtoa ako.”

Ug ang usa mitawag sa usa ug miingon, “Balaan, balaan, balaan ang GINOO sa mga panon, ang tibuok nga yuta napuno sa iyang himaya.”

Unya miingon ako, “Alaot ako! Kay ako nawala; tungod kay ako usa ka tawo nga hugaw ug mga ngabil; ug ako nagpuyo taliwala sa mga tawo nga hugaw ug mga ngabil; kay ang akong mga mata nakakita sa Hari, ang GINOO sa mga panon!”

Sa tuig nga namatay si hari Uzias, nakita nako ang Ginoo nga naglingkod sa usa ka trono, taas ug tinuboy; ug ang iyang mga bisti milukop sa Templo.

Iyang gihikap ang akong baba niini ug miingon, “Tan-awa, nakatandog kini sa imong mga ngabil; ang imong pagkadaotan gikuha na ug ang imong sala gipasaylo na.”

Sa ibabaw niya diha ang mga serapin, ang matag usa may unom ka pako: sa duha gitabonan niya ang iyang nawong, ug sa duha gitabonan ang iyang mga tiil ug sa duha siya naglupad.

Unya ang usa sa mga serapin milupad padulong kanako nga may usa ka baga diha sa iyang kamot nga iyang gikuha pinaagi sa mga kumpit gikan sa halaran.

Ug siya miingon, “Lakaw ug sultihi kining katawhan, ‘Kamo nakadungog gayod, apan wala makasabot, nakakita gayod, apan wala makasabot.’

Pakubali ang kasingkasing niining katawhan, ug sampongi ang ilang mga dalunggan, ug tak-opi ang ilang mga mata; tingali unya ug makakita sila pinaagi sa ilang mga mata, ug makadungog pinaagi sa ilang mga dalunggan, ug makasabot sila pinaagi sa ilang kasingkasing, ug mangakabig ug mamaayo sila.”