Popular Bible Verses from EZEKIEL 37

Share

Siya miingon pag-usab kanako, “Pagpropesiya ngadto niining mga bukog, ug ingna sila, O mga uga nga bukog, pamati sa pulong sa GINOO. Kini ang gisulti sa Ginoong DIOS niining mga bukog: Tan-awa, akong pasudlon ang gininhawa kaninyo, ug kamo mangabuhi.

Ug ipahimutang nako ang mga kaugatan diha kaninyo ug kamo patuboan nako sa mga unod ug tabonan kamo sa panit ug butangan kamo sa gininhawa, ug kamo mangabuhi; ug kamo makaila nga ako mao ang GINOO.”

Ug siya miingon kanako, “Anak sa tawo, mabuhi pa ba kining mga bukoga?” Ug ako mitubag, “O Ginoong DIOS, ikaw nahibalo.”

Ang kamot sa GINOO diha ibabaw kanako, ug gidala niya ako pinaagi sa Espiritu sa GINOO ug gipahimutang ako taliwala sa walog, ug kini puno sa mga bukog. Ug gipalibot niya ako niini, ug dihay daghan kaayo diha sa walog, ug nakita nako nga kini uga kaayo.

Busa ako nagpropesiya sumala sa gisugo kanako, ug sa pagpropesiya nako, dihay usa ka dahunog, dihay kinagukol, ug ang mga bukog nagtigom, bukog ngadto sa iyang bukog. Ug sa pagtan-aw nako, may kaugatan diha kanila, ug ang mga unod milukop niini, ug ang panit mitabon kanila sa ibabaw apan walay gininhawa diha kanila.