Popular Bible Verses from EXODO 6

Share

Busa sultihi ang katawhan sa Israel nga ako mao ang GINOO, ug ako magpagawas kaninyo gikan sa mga kabug-at nga gipapas-an sa mga Ehiptohanon ug luwason ko kamo gikan sa ilang pagpangulipon ug lukaton ko kamo uban sa bukton nga tinuy-od ug uban sa dagkong buhat sa paghukom.

Kuhaon ko kamo ingon nga akong katawhan ug ako mahimo nga inyong Dios. Ug kamo mahibalo nga ako, ang GINOO nga inyong Dios, nagpagula kaninyo gikan sa mga kabug-at nga gipapas-an kaninyo sa mga Ehiptohanon.

Ug dad-on ko kamo ngadto sa yuta nga akong gipanumpa nga ihatag kang Abraham, kang Isaac ug kang Jacob ug ihatag ko kini kaninyo ingon nga panulundon. Ako mao ang GINOO.” Si Moises misulti sa ingon ngadto sa katawhan sa Israel apan wala sila mamati kang Moises tungod sa ilang kaluya sa espiritu ug tungod sa ilang pintas nga kaulipnan.

Apan ang GINOO miingon kang Moises, “Karon imong makita kon unsay buhaton nako sa Paraon kay pinaagi sa kamot nga kusgan motugot siya sa pagpalakaw kanila ug pinaagi sa kamot nga kusgan iyang abogon sila ngadto sa gawas sa iyang yuta.”