Popular Bible Verses from ESTER 6

Share

Niadtong gabhiona wala makatulog ang hari ug siya nagsugo nga ipadala ang basahon sa mga halandomong buhat, ang mga kasaysayan ug gibasa sa atubangan sa hari. Ug nakaplagan nga nasulat nga si Mardoqueo nagsugilon mahitungod kang Bigtana ug kang Teres, duha sa mga yunoko sa hari nga nagbantay sa tugkaran ug nga natinguha sa pagpatay kang Ahasuero nga hari.

Busa si Haman misulod ug ang hari miingon kaniya, “Unsay buhaton ngadto sa tawo nga gikahimut-an sa pagpasidungog sa hari?” Ug si Haman miingon sa iyang kaugalingon, “Kinsa bay kahimut-an sa hari pagpasidungog labaw kay kanako?”

Unya ang hari miingon kang Haman, “Pagdali, kuhaa ang mga bisti ug ang kabayo, sumala sa imong giingon, ug buhata ang ingon ngadto kang Mardoqueo nga Judio nga naglingkod sa ganghaan sa hari. Ayaw bilini ug bisan unsa ang imong gisulti.”