Popular Bible Verses from MGA BUHAT 11

Share

Ug sa nakit-an na niya si Saulo, gidala niya siya sa Antioquia. Sulod sa tibuok tuig sila nakigtigom sa iglesia ug nagtudlo sa usa ka dakong pundok sa mga tawo. Ug didto sa Antioquia ang mga tinun-an sa unang higayon gitawag ug mga Cristohanon.

Sa dihang miabot siya ug nakita ang grasya sa Dios, siya nalipay ug iyang gidasig ang tanan sa pagpabilin diha sa Ginoo uban sa kinasingkasing nga katuyoan tungod kay siya usa ka maayong tawo, puno sa Espiritu Santo ug sa pagtuo. Ug nadugang ngadto sa Ginoo ang usa ka dakong pundok sa mga tawo.

Busa kon ang Dios naghatag man kanila ug gasa nga sama sa iyang gihatag kanato sa diha nga mituo na kita sa Ginoong Jesu-Cristo, kinsa man ako nga makapugong sa Dios?” Sa ilang pagkadungog niini, sila mihilom. Ug ang Dios ilang gidayeg nga nag-ingon, “Sa mga Gentil ang Dios naghatag usab ug paghinulsol ngadto sa kinabuhi.”