Popular Bible Verses from 2 MGA HARI 2

Share

Sa dihang nakalabang na sila, si Elias miingon kang Eliseo, “Pangayo unsay akong buhaton alang kanimo, sa dili pa ako kuhaon gikan kanimo.” Ug si Eliseo miingon, “Ako naghangyo kanimo, ipapanunod kanako ang imong espiritu sa duha ka pilo.”

Ug sa diha nga sila nagpadayon ug nagsulti, dihay usa ka karwahi nga kalayo ug mga kabayo nga kalayo nga mibulag kanilang duha. Ug si Elias mikayab ngadto sa langit pinaagi sa usa ka alimpulos.

Ug siya miingon, “Ikaw naghangyo sa usa ka lisod nga butang, apan bisan pa niana, kon ikaw makakita kanako sa diha nga ako kuhaon na gikan kanimo, mahimo kini alang kanimo, apan kon dili ikaw makakita kanako, dili kana mahimo.”

Ug iyang gikuha ang kupo ni Elias nga nahulog gikan kaniya ug gihampak ang tubig ug miingon, “Hain man ang GINOO, ang Dios ni Elias?” Ug sa paghampak niya sa tubig, nabahin kini ug si Eliseo mitabok.

Ug si Eliseo nakakita niini ug siya misinggit, “Akong amahan, akong amahan! Ang mga karwahi sa Israel ug ang mga nagkabayo niini!” Ug siya wala na makakita kaniya. Iyang gikuptan ang iyang kaugalingong mga bisti ug gigisi kini niya sa duha ka bahin.

Ug gikuha ni Elias ang iyang kupo ug gilukot ug gihampak ang tubig, ug nabahin kini ug silang duha nanabok agi sa uga nga yuta.

Sa diha nga hapit na kuhaon sa GINOO si Elias pinaagi sa usa ka alimpulos ngadto sa langit, nagpanaw si Elias uban kang Eliseo gikan sa Gilgal.