Popular Bible Verses from Luka 6

Share

Pok jowot win gigipiny, ŋey Were bino poko win bende. Rapor m'opoŋ, m'odile, m'oyengi to poŋ cuka oy; am'ibino ketho i cingi win. Kole rapor m'ioro ri jowotin ama Were bende bino oro ma kipima rin gine gima go dwoko rin.

Am'omiyo dhano maber wodho tim mabeyo wok i kakano bero manitie i adundo pere; aka ŋatarac bende wodho tim mareco wok i kakano reco manitie i adundo pere. Kole wac ma dhano luwo je wok i gim'opoŋ iy'adundo pere.

Kucel, mari win jokwor mewin, aka witim rijo maber. Odoko miy win ji gigipiny, ma wikigeno ni jobino culo win. Wibino limo kemba madwoŋ, aka wibino bedo nyithindho pa Ŋatadwoŋ Maloyo; kole go won cunye ber gi joma jokifoy go kodi joreco.

Bedi win gi wor paka Bawin jawor.

Wikiri withum banja ri jowoti win, ŋey Were bende kilathumo riwin banja. Wikiri wirodhi jowoti win aka bende k'orodhi win. Cwaki win reco pa jowoti win aka bende ibino cwako mewin

T'awaco riwin ma wiwinjan, mari win jokwor mewin, kendo tim win maber ri joma mon kodi win. Miy win joma kwoŋo win silwany aka kway win ri joma yeto win.

Tim ri jowotin paka imito bende jowotimi rin.

Ka moro ogoyo lembin acel adhoŋ, wiri rigo man bende; aka ka moro omayin kot perin, ikir'icer go sati bende. Nyatoro je ma kwayin gimoro miy go, aka ikir'ikway dhano ni wodwoki rin giperin m'otieko mayin.

Kole ongoye yath maber ma nyak gimarac, kosa yath marac ma nyak gimaber.

Aka kisi yath iŋeyo ro gima nyak kwoŋe: Nyandere kifon wi kudhin, odoko vini kifon kwoŋ kudho oriaŋ.