Popular Bible Verses from Mariko 16

Share

Wabalomela ari, “Ni mutsye mu shiibala shoosi, mukukuule isi babaandu boosi Kamakhuuwa Kamalayi.

Abo babafukiilila muusi ise, bakhakholatsake bibiyaangisa. Ni baliraambisatsaka lisiina lyase, baliwoona kimisaambwa kimibi, nalundi balikanikha tsinimi tsimbya. Baliwamba tsindemu mu makhono kabwe, nalundi abe bakhalinywa shishiindu shishiira, seshilibakholakho buubi bwoosi ta. Ni baliloombela balwaale nga babarakho kamakhono, balwaale abo baliwona.”

Umuundu ukane afukiilile Kamakhuuwa kano abatisibwe, alifuna buwonesi; ne uyo ukhafukiilila ta, kumusaango kulimufuura.

Baleekelwa ni baama awo baatsya bakukuula Kamakhuuwa Kamalayi buli andu osi. Umukasya waraambatsakila mu nibo, nga aŋaŋasa burume bwaabwe khubirira mu bubonelo bweesi bakholatsaka.

Wabalomela ari, “Mukharya ta. Namanyile indi mulikho muweentsa Yezu uwe i Nazareti, yeesi batsaangilila khu musalaba. Walamukhile khukhwaama mu bafu, s'ali ano ta; ni mu bone shifwo sheesi baamusiikhamo.

Bari balola bari, babona nga libaale lyamalile khupilingisibwa khukhwaama khu ŋani. Lyaba libaale liboofu naabi. Ni benjila mu ŋani, babona umusoleeli mutweela nga wakwaarire tsingubo tsiwaanga, nga wekhaale khu mukhono kumulayi. Shino shabareerera khuurya.