Popular Bible Verses from Luka 8

Share

Ne bumiitso bubwakwa khu liiloba lilayi, nibo babawulila shilomo, bashiiliinda bulayi mu myoyo kyaawe ni bubwiyikinwa. Bawulila shilomo bashibiikha bulayi, ni lwe khukhwikhaliilikha, baanakho bibyaamo bilayi.”

Bumiitso bubwakwa mu mawa, nibo babaandu, babawulila shilomo bulayi, ne nga batsiile, nilwe khukhwiyembelela, ni buyiindifu, ni kumwikhoyo kwe bulamu buno, bakhasikhana, balekha khwama bibyaamo ta.

Bumiitso ibwo bubwakwa khu liiloba lye khu lwanda, nibo babaandu babawulila shilomo, bashifukiilila ni kumwikhoyo, ne lwekhuba si bali ni tsiindi tsindeeyi ta, bafukiililakho khakyeekhe, ne mu mbuka ye khukhakibwa, bakhasikhana.

Yezu kila abareeba ari, “Khufukiilila khweenywe khuli ena?” Ne boosi baarya naabi, belaliila nga betsuule lisuno nga baloma bari, “Umusaani yuno niye naanu, bona akhookhela ikhuungu ni kameetsi byamuwulila?”

Bumiitso bubwakwa khu ntsila, nibo babaandu babawulila shilomo sha Wele, ne Sitaani weetsa wabawutulamo shilomo mu myoyo kyaawe, nio balekhe khufuna buwonesi nga babira mu khufukiilila ta.

“Lwekhuba mbaawo shishiindu shishabisibwa, shikhalibonesebwa ta. Namwe, mbaawo shishabisibwa shikhalimanyisibwa ta, namwe khureerebwa mu buwaanga ta.

Umukhasi n'amanya ari s'anyala webisa lundi ta, weetsa nga nanikina, wakwa asi abikyele bya Yezu. Waboolela Yezu akari mu baandu boosi, lwashiina amutiililekho, lundi nga nawonelewo bulwaale bweewe khangu akho. Yezu wamuloma ari, “Mukhaana wase, lwe khufukiilila khwoowo wawonisibwile. N'utsye mu lukoosi.”

Baleekelwa baatsya isi Yezu bamusisimusa, nga baloma bari, “Musakhulu, Musakhulu, khwahela!.” Aryo Yezu wenyukha, wakhookhela ikhuungu, ni khutumbuukha khwe kameetsi, byawoleela; abawo khukwalaala khukali.