Popular Bible Verses from Yohana 6

Share

Yezu wabaloma ari, “Ise nibyo biilyo bye bulamu. Uyo yeesi uwiitsa isi ise ndi, intsala s'ili mulya ta. Nalundi uyo ufukiilila mus'iise, bulesa sibulimulya ta.

Umwoyo uwa Wele niye ukaba bulamu; khulwekhuba kamaani ke kumubili kw'omundu mbaawo sheesi kakhola ta. Bino byeesi imbaboolela bireera Umwoyo uwa Wele, nalundi bireera bulamu.

Mukhamalila kamaani khu biilyo bibibola ta, ne akhali ndi ni mumalile kamaani khu biilyo bibikhawawo bye bulamu bubukhawawo ta. Ibyo nibyo byeesi kane Umwaana w'Omuundu abawe. Khulwekhuba umweeene uyo wamala khufukiilisibwa ni Wele Paapa.”

Khulwekhuba shino nisho sheesi Paapa wase akana, ari buli mundu yeesi ubona Umwaana nalundi wamufukiilila, ari abe ni bulamu bubukhawawo ta. Ni nase indimulamusa khu shifukhu shimaliilisi.”

Yezu wabelamo ari, “Sheesi Wele akana mukhole, nikhwo khufukiilila muuyo isi amala khurumana.”

Buli uyo yeesi isi Paapa amba kane etse is'indi. Ne uyo yeesi uwiitsa is'indi, nase imwakaanila.

Simoni Petero wamukobolamo ari, “Umukasya, ne ndi khuba khuutsya isi naanu? Bona iwe uli ni bilomo bibireera bulamu bubukhawawo ta.

Ise indi biilyo bibireera bulamu, bibyeekha asi khukhwaama mwikulu. Umuundu yeesi ni kane alye khu biilyo bino, kane abe umulamu biilo ni biilo. Nalundi biilyo byeesi kane imbe shiibala nio akile shibe ni bulamu, nikwo kumubili kwase.”

Mbaawo umuundu unyala khukhwiitsa is'indi ta, khurusakho nga paapa uwanduma wamureerire is'indi. Ni nase indilamusa umuundu uyo khu shifukhu shimaliilisi.

Khulwekhuba biilyo byeesi Wele abawa nibyo ibyo bibiikha asi khukhwaama mwikulu, nalundi byareera bulamu mu shiibala.”

Ise indi biilyo bibireera bulamu.

Lwanyuma Yezu wabukula kimikaati ikyo, wakiloombela tsikhabi. Nga wamalile, wakikabila babaaba bekhaale asi. Wakhola shitweela ni tsinyeeni khukhwolisa boosi baalya bekura nga ni bakana. Ne boosi ni baamala khuulya bekura, Yezu walomela baleekelwa beewe ari, “Ni mubuusanise bubuya buburamiilekho, nio alekhe khubawo shishiindu shoosi shishonekha ta.”

Ne ni baaba nga batsiile ni likhoŋolo khumala tsi kilomita nga tsitaru namwe tsine, babona Yezu nga akyeendela khu meetsi nga etsa ambi ni likhoŋolo. Buuri bwabawamba. Ne Yezu wabaloma ari, “Mukharya ta. Ise niye uwiitsa.”