Popular Bible Verses from Mako 14

Share

Waaloma ari, “Abba, Paapa, mbaawo shishiindu shishinyala shaakhukhaasa iwe ta; n'undusekho shikopo shino. Ne shikhaba nga ise ni naandikanile ta, akhali khashibe nga iwe n'ukana.”

Ni murame meeso nga muloomba muri ilekhe khubawo shoosi shishibakhakilisa ta; khulwekhuuba akhaba nga ilala kumwoyo kukana, ne kumubili kuli kumutoro.”

Ilala imbaboolela ndi, buli oosi isi bakhalaangilile Kamakhuuwa Kamalayi mu shiibala shoosi, sheesi akholile balishikuukuula, nga shili she khuumushebulila.”

Kila abalomela ari, “Kumwoyo kwase kwetsuule bibyambaaso bye kumutaambo, kukuunyala kwaantsira nakhuntsira. Ni murame ano, nga muli meeso.”

Ni baaba nga balikho balya, Yesu waabukula kumukaati, waakuloombela tsikhabi, waakumenyulamo, waakubawa, nga aloma ari, “Amba; kuno kuli kumubili kwase.”

Lwanyuma waabukula shikopo shishiilimo iviini, nga waamalile khu kiloombela ikhabi, waabawa boosi bashinywakho. Waabaloma ari, “Kano niko kamafuki kaase, ke indakaano imbya, kakaatsutsukha khulwe babaandu baakali.

Yesu waalomela baleekelwa beewe ari, “Inywe mweesi kane muntsilukhe. Khulwekhuuba bibyaronebwa bikhosefu biloma biri, ‘Indiira umwaayi uwe kamasheese, shino shikile kamasheese kasalanile.’

Ni mwinyukhe, mwiitse khutsye, uyo uwundilemo luwomelo ali aambi akana khwoola ano.”

Yesu wamuloma ari, “Ilala, ikhuboolela ndi mu shilo sha luno, nga ingokho ishiili khukholyookha khabili ta, kane ube wantsikaanile tsifuunda tsitaru.”