Popular Bible Verses from Luka 9

Share

Lwanyuma waabaloma boosi ari, “Buli muundu yeesi ukana khuuba umulondeleli wase, aakha khukhwiyikaana umweene, etyuukhe kumusalaba kweewe buli shifukhu anoondelele.

Lwekhuuba buli muundu yeesi ukana khuuwonesa buulamu bweewe alibufwilwa, ni nooyo ufwiilwa buulamu bweewe khu lwase, alibuwonesa.

Yesu waamuloma ari, “Mbaawo umuundu ulimisa n'imbako iye tsikhaafu, ne weshebukhaka imukoongo, s'akhila Buyiinga bwa Wele ta.”

Umuundu shimuyeeta shiina khukhwifunila shiibala shino shoosi, n'endi wakosa namwe wafwiilwa buulamu bweewe?

Buli muundu uwumambiwila ise kamaŋaanyu, ni bilomo byase, Umwaana w'Omuundu naye alimuwaambiwila kamaŋaanyu n'alikobola mu shiriifwa sheewe, ni mu shiriifwa sha Paapa, ni she bamalayika beewe bakhosefu.

Yesu waamwiilamo ari, “Tsishipwe tsili ni kamalowo kaatso, ni binywiinywi bye mu ngaaki bili ni biiswi byabyo, ne Umwaana w'Omuundu s'ali ni isi ara kumurwe ta.”

waabaloma ari, “Buli muundu yeesi uwakaanila umwaana umufwiiti nga yuno mu lisiina lyase, aba waantsakaanile ise. Na buli mutweela uwuntsakaanila ise aba wakaaniile uyo uwanduma ise. Lwekhuuba uyo uuli umufwiiti mus'iinywe mweesi niye ufuura bukhulu.”