Popular Bible Verses from Buraambi 17

Share

“Wele akhola shino ari nio bamuweentsatsake, manya osi bamwababekho, luundi bamunyoole, akhaba nga s'ali aleeyi na buli mutweela khusiifwe ta.

Khurura mu muundu mutweela esi abuumba, Wele abuumba kamanaambo koosi kaketsuule babaandu, nga akana babe khu shiibala shoosi, nga umweene waamalile khukhalawo bisiintsa ni tsintsakha tse khukhwikhala khwawe.

Niye Wele uwabuumba shiibala ni bibilimo byoosi, niye Umukasya we likulu ni shiibala. Luundi niye s'amenya mu mesaayilo kakombakhiwa ni kamakhono ke babaandu ta.

Lwekhuuba waamala khaale khuurawo shifukhu she khuukhalilakho shiibala kumusaango kwe bukwalaafu, nga araambisa umuundu eesi umweene aarobola. Luundi aarawo shishiŋaŋasa isi babaandu boosi nga amulamusa khukhwaama mu bafu.”

“Nashiryo, ifwe ni khuli lisaaye lya Wele sikhwaakha khwaambaasa khuri Wele ali shishiindu nga izaabu, namwe ifeeza, namwe libaale lilyakhengebwa ni buyungubafu, ni kamakyesi ke babaandu taawe.