Popular Bible Verses from Yow 12

Share

Ampeereza, angoberere; nze we ndi n'omuweereza wange w'alibeera. Buli aliba ampeerezza Taata alimuwa ekitiibwa.

Ayagala obulamu bwe, alibubuza; naye akyawa obulamu bwe mu nsi, abweterekera mu bulamu obutaggwaawo.

Mbagambira ddala mazima nti empeke y'eŋŋano bw'etegwa mu ttaka n'efa, esigala yokka; naye bw'efa, ereeta ebibala bingi.

Najja mu nsi ng'ekitangaala, buli anzikiriza aleme kusigala mu nzikiza.

Ate buli awulira ebigambo byange n'atabikwata, si nze mmulamula, kubanga sajja kulamula nsi, wabula okulokola ensi.

Awo Mariya n'akwata laatiri emu ey'omuzigo narudo ogw'omuwendo omunene, n'agusiiga ebigere bya Yezu, n'abisiimuuza n'enviiri ze. Ennyumba n'ebuna akawoowo k'omuzigo.

ne baddira ensansa ez'enkindu ne bagenda okumusisinkana nga baleekaana nti: “Hosanna! Agulumizibwe oyo ajja mu linnya ly'Omukama, Kabaka wa Yisirayeli!

Yezu n'abaddamu nti: “Akadde katuuse Omwana w'Omuntu agulumizibwe.