Popular Bible Verses from Amas 39

Share

Omukama yali naye; ng'ebintu bimugendera bulungi; yasulanga mu nnyumba ya mukama we Omumisiri.

Byonna bye yalina n'abireka mu mikono gya Yozefu, nga takyalina kirala kyonna kimweraliikiriza, mpozzi emmere gye yalyanga. Yozefu yali afaanana bulungi, nga mulungi mu ndabika

Omukuumi w'ekkomera n'akwasa Yozefu abasibe bonna abaali bakuumirwa mu kkomera; n'amuwa obuvunaanyizibwa ku buli kyonna ekyakolebwangayo.

Mukama wa Yozefu n'akwata Yozefu n'amuggalira mu kkomera, abasibe ba kabaka mwe baakuumirwanga. Yozefu n'abeera eyo mu kkomera. Naye Omukama yali wamu ne Yozefu, n'amugirira ekisa, n'amuwa omukisa gwe ng'omukuumi w'ekkomera amuyisa bulungi.

ebbanga teryayita ddene mukazi wa mukama we n'amwegomba, n'amusaba nti: “Weebake nange.” N'agaana. N'agamba muka mukama we nti: “Olaba okuva mukama wange byonna lwe yabissa mu mikono gyange, takyeraliikirira kantu mu nnyumba ye. Mu nnyumba eno temuli ankira bukulu; tewali kirala kyonna ky'atassa mu mikono gyange okuggyako ggwe, kubanga ggwe oli mukazi we. Nze nnyinza ntya okukola ekibi ekyenkana awo, ne nnyonoona eri Katonda?”

Olumu Yozefu n'ayingira mu nnyumba okukola omulimu gwe; temwali muntu mulala mu nyumba; muka Potifari n'amukwata omunagiro gwe nga bw'amugamba nti: “Jjangu weebake nange.” Ye ne yeesumattula n'amulekera omunagiro mu ngalo, n'afuluma ebweru.