Popular Bible Verses from Amas 37

Share

Olumu Yozefu yaloota ekirooto, bwe yakinyumizaako baganda be, ne bamukyawa okusingawo.

Yakobo yayagalanga Yozefu okusinga abaana be bonna, kubanga yali mwana we eyamuzaalirwa mu bukadde, n'amutungira ekkanzu ey'amajjolobera.

Baganda be bwe baalaba nga kitaabwe amwagala okusinga batabani be bonna, ne bamukyawa nga tebakyasobola kwogera naye mu ddembe.

Yalootayo n'ekirooto ekirala n'akinyumiza baganda be nti: “Mu kirooto nalabye enjuba, omwezi n'emmunyeenye kkumi n'emu nga binsinza.”

Olw'ekyo baganda be ne bamukwatirwa obuggya; naye ye kitaawe ekigambo ekyo n'akikuuma mu birowoozo.

Yabagamba nti: “Muwulire ekirooto kyange kye naloose: Twabadde tusiba emiganda gy'eŋŋano mu nnimiro, ogwange amangu ago ne gusituka ne gwesimba, egyammwe emiganda ne gigwetooloola ne giguvunnamira.”

Mujje tumutte, tumusuule mu kimu ku binnya; tuligamba nti: ‘Ensolo enkambwe yamulya.’ Kale tuliraba ekiriva mu birooto bye.”

Abasuubuzi Abamidiyaani baali bayitawo, ne basikayo Yozefu mu kinnya, ne bamuguza Abayisimayeli ebitundu bya ffeeza amakumi abiri. Bo ne bamutwala mu Misiri.

Ne bagambagana nti: “Ssekalootera wuuyo ajja.

Bwe yali akyaliko wala ne bamulengera; yali tannabatuuka ne basala olukwe bamutte.

Rubeni n'agamba nti: “Tuleme kumutta. Muleme kuyiwa musaayi; mumusuule mu kinnya kino ekiri mu ddungu, naye temumussaako mukono gwammwe.” Yali ayagala kumuggya mu mikono gyabwe amuddize kitaawe.