Popular Bible Verses from APOCALIPSIS 5

Share

Niźaśa ti ew wirsuź itsatćha: “Amćha źkayi quśśiśamki ni thüźta śqiśi tanśxapaki, niźaśa nïź teqźta chimpita jerhśxapami, niźaśa amki wilanaźtaqaś thxottamtaćha; neqhśtan am lhokh thawqźku, amki thapaman źoñinaka Yöśtaxapa śhikchamćha, niźaśa thapaman tawqchiś niźaśa thapaman chawkh wathchiś źoñinakami.

ninakaki thapa aśtan tuź khetćha: “¡Xalla ni wilana thxotta üśaki aśi niźaśa ni źelinś tanś wakiśićha, niźaśa ni śiśnakami niźaśa ni chawkh aśimi, niźaśa ni śuma źoñi khitami, niźaśa ni chawkh qhanami niźaśa ni thapa tiźtan palt'iśmi wakiśićha!”

Amki ni źoñinakźkiśtan ućhum Yöśta irpiñi jilirinaka timlu jilirinaka pächamćha, neqhśtan ninakaki ti yoqkiś irpakićha.”

Niźaśa werhki nonśinśaqaśśa, thappacha ni tsewkta yoqkin Yöś päta ćhhultaqinakami, niźaśa ti yoqkiś päta ćhhultaqinakami niźaśa ti yoq qos päta ćhhultaqimi niźaśa ni chawkh qotkiś päta ćhhultaqinakami tuź khetćha: “¡Xalla ni chawkh julśkiś julśimi niźaśa ni üśami wirsunakźta aynaqtax khila, niźaśa śuma źoñinaka khitax khila, niźaśa ninakaź chawkh qhan aśiki thapa watay watax thurla!”

Ans ni qamchi ephnakźkiśtan tshïsuñaki wethkiś tuź khichićha: “Amki ana iya qä, xalla ni Judá t'aq liwunźkiśtan, niźaśa ni Davidź śep'ikiśtan oqhñiki ni thüźta śqiśi jerhśxapa atipchićha niźaśa nïź towqu teqźta chimpunaka khetśxapami.”