Popular Bible Verses from LUCAS 12

Share

Anćhukmi thakśipan khekićha; ni źoñź Matiki ana pinsanź thonakićha.”

Anćhukki Yöś irpiś wathkin quś thäkićha, niźaśa ni amiź thapa pekta ćhhultaqinakaki thätaź khekićha.

Neqhśtan Jesusaki ninakźkiś wilta khichićha: –Anćhukki ni xamri khïkhiśkiśtan kuytaśakićha; xalla ni źoñź źetiki anaź źelinchiś khiśtanqaś khesaćha.

Xaqsikinźlax anćhuka źelinśnaka, xalla nikhuśaqaś khekićha anćhuka quśki.

Niźaśa xaqhsilta anćhukakiśtan añcha llakiśhku, ¿xaqhnuź tshi źoñi nïź tshiti tshi qhara yapśnasaya?

Neqhśtan Jesusaki nïź thaxintanakaźkiś khichićha: “Weraral khiwćha: Anaź anćhukki lulkiśtan llakiśhakićha qamśkiśtanami, niźaśa ni xañchi kuthś śkitkiśtan anaź llakiśhkićha.

Niźaśa ućhum achś charami thappacha śintallkiśtan śintalla qantakamaćha. Niźtikiśtan anćhukki anaź eqhsna, anćhukki ni weźlallanakkiśtan tshantiź wakiśićha.

“Anaź eqhsna anćhukki weth üśanakćhukćha niźaśa anćhikki qolukull ćhukćha; Yöś Ephki anćhukakiś nïź irpiś watha thäś quś thutśićha.

Cuervo weźlanakaźkiś cherźna: Ninakaki ana ćhhakhñićha niźaśa ana axśñićha, niźaśa ninakaki ana ćhheri makhś qhuychiśśa niźaśa ana ketalchiśśa; niźaśa Yöśqaź lulinaka thäćha. ¡Anćhukki weźlanakźkiśtan tshantiź kuśtićha!

Xaśiki anćhukki, ana llakita oqhlaya lulhśxapa qhurkan niźaśa likhśxapa qhurkan.

Xalla nuź Yöśki ni phxaqallanaka thutźa, töxiki pampikinćha niźaśa xaqaki jurnukiś ujtaź khekićha, ¡tshanti anćhukakiś thutźtasaćha, ana Yöśkiś quśśiś źoñinaka!

Anaź ćhhulu śhoxtaki źelasaćha, śhoxtanakaki wathźtapanqaś khekićha, niźaśa anaź ana śiśtami źelasaćha ni ana śiśtaki śiśtaqaś khekićha