Popular Bible Verses from Matius 27

Share

Yesus dekam zep Ibrani olkam ol mamkam hërheka, “Eli, Eli, lama sabakhtani?” Nëre mae mo olkam Zen anakan hërheka, “Are ano Alap, ano Alap, Em ba habe Asa da tasïꞌïra?”

Alap mo gol mwanak de kaen lïlïkïn glaïng-glïng yawala dekam zep owas hap kalk neisïk sonek. Jïngïl yawala hen dekam zep gwëka. Hen zëwe de kaso nabare kwatap-tek kwatap-tekna ahakon hëndep man ëhlang-hlang gwek. Zi tok-tok kang gulne gwen kaso lïlïkïnnï man ëtalusundak, hen Alap mo hlïl irin wenya men zen orep juwe gwek man beyakam ëngaya gwendak.

Yesus ki zep etan ol mamkam hërhe hanaka. Dekam zep hëndep tïlsïkï.

Jana nabare zi mo mamna in zen apdenak zëre mo ahakore naban zikara taꞌanka, dekam tangan zep sërkam golëaïrïꞌanka– jïngïl yala in kim gwëka, hen tïngare owas-owasna insa kim hla nukke. Dekam zep ëguk, “Zini an eiwa Alap mo Tane!”

Yaklana kim bolak zauku, dekam zep tïngare langna owas hap kawesïk. Hëndep yakla nwena kim dan-ahannak zauku, dekam zep etan hleng gwek.

Hwëna dekam zep etan takensibiridaka, “Ki hwëna ëe banakan asa Yesussu gwëblal?– insa ahakon ena en gweblananye, ‘Israelsa de ngaya tabin hip de Zi’kim.” Ki zep ding nulblik, “Desa te-lidak sonnak makan laink.” Dekam zep hwëna takensibiridaka, “Hwëna zen banakan karek gweka?” Hwëna dekam tangan zep mam en tangankam ëgu ane gweꞌak, “Desa te-lidak sonnak makan laink!”