Popular Bible Verses from Matiu 10

Share

<<Ni nya. Nama baai ate mi a tom la, a nye ase ka piisa ale bo piina suŋsuŋ la. Dila nyiŋla ku a fɛ kama ayen ni ta yam ase wiiga la abe ni yik nidek ase nangbaŋsa la.

Nuru waai ale a yaali wadek nyuvuri ale kan yaali ayen wa nya ninam la, kula nyɔnɔ ale jɔk wa nyuvunni. Nuru waai a dan jɔk wa nyuvuri mi nyiŋ, wa le ŋman nya di.

Ni kan a chali yɔgsum ale nuru baai ale a ko nuruba nyiŋ lammu la, dii nyiŋla ba an baga a ko ba chiisaŋa. Ku magsi kama ayen ni a chali Wen dii ale baga a kaasi nuruba nyiŋsa ale ba chiisa bolim buui ale kan maari a kpimsi la po yɔgsum.

Nuru waai a ale kan gomsi a magsi ayen wa nya ninam yaase wa kpi mi nyiŋla an magsi ayen wa va mi.

<<Nuru waai a dan nyini peelim nuruba niŋ a weeni ayen wa va ka mi, mi mɛ ale nye ka dila dekdega M Kowa waai ale bo wenŋmazuk la niŋ. Alege waai mɛ a dan nyini peelim nuruba niŋ a zɛri mi, Mi mɛ ale nyini ka peelim a zɛri wa mɛ M Kowa waai ale bo wenŋmazuk la niŋ.

Ni puusi a te yuarɔma ale gamaŋa ate ba nya nyiŋyɔgsa, abe ni nak kpieba kum po a yiti abe ni yiak chichirik baata nuruba zuima po a basi. Pagrimu dɛ ate mi a pai te ni la, ni an tuniya, nama mɛ a pai te abe ni kan yaali tutuna.

Nya kude nyiŋ nama kan a chali yɔgsum. Ni gaam nuinsaŋa ka nna yegayega Wen nimbie po.

<<Ni kan a poli ayen mi sakka dɛ ale basi ate nuruba a tigsi jam jigi yeŋ a boro ale suiyɔgni. Ku le basi kama ate nuruba a poori chaab.