Popular Bible Verses from Luuk 10

Share

Ni nya de m te ni ka pagrim ate ni baga a tabi wiiga ale nuenta zuima ale dachiaka Sitaana ale wa pagrimu meena, alege nyaŋa de meena po wari a kan daani ni.

Alege ti Nyɔnɔ Yeezu Kirisita yaa tulisi wa ayen, <<Maata, Maata, ka boan ale soa ate fi basi ate wie yegayega a danni fu? Fi zɛ ayen ka wa yeŋ nyiini ale magsi nyeka? Mɛɛri abe lueri ka wamaŋ kala. Nuru a kan baga a tuesi di wa jigi ya.>>

Nuruwa yaa tulisi ayen ba ŋmarisi kama ayen, <<Yaali Naawen fi Wenni ale fi suinum meena ale fi chiik meena ale fi pagrim meena ale fi popola meena, (Teerika 6:5) abe fi yaali fi saalɔ choa ase fi ale a yaali fidek diila.>> (Kaabka 19:18)

Wa yaa weeni ba ayen, <<Cheka tuima ale boro nna yegayega, alege tuimtomdɔma an piisi ya. Ni puusi a te Wen dii ale ka cheka nyɔnɔwa la ate wa basi ate tuimtomdɔba yegayega a jam.>>

Nuruma de batawa, ka ba wana ale nuru waai ate zuema nak la vaanchoa?>> Sinsak sagrɔwa yaa tulisi ayen, <<Ka nuru waai ale nya wa a ta jiirimu ale wa la.>> Yeezu yaa weeni wa ayen, <<Be cheŋ ga nye dila dekdega.>>

Ni yaa be a cheŋ. Ni nya, mi a tom ni kama ayen ni nyini cheŋ ase pabisa ate ba pai basi piina suŋsuŋ diila.